2012 ලොක විනාසය / ලොව ආරමිභය හා අවසානය බොදු ඇසින් ලිපියක් ඇසුරින්

බදු දහම යනු සර්වකාලින ධර්මයකි. අන් සැම දෙයක්ම කලින් කලට වෙනස් වුවත් බුදු දහම වෙනස් වන්නේ නැත. එබැවින් එය අකාලික ධර්මයක් යැයි කියනු ලබයි. මෙ කාලයේ බොහෝ දෙනෙක් 2012 දෙසැමිබර් 21 වන දින ලොක විනාශයක් සිදුවන බවට කථා බහ කරන්නට පටන්ගෙන තිබෙයි. මෙ සදහා සාක්ෂි වශයෙන් මොවුන් පාදක කරගන්නේ දැනට වසර 4000 කට පමණ පෙර උසස් ශිෂ්ඨාචාරයක්ව පැවති මායා ශිෂ්ඨාචාරයේ මායාවරැන් විසින් භාවිතා කරණ ලද දිනදර්ශනයයි. මෙම දින දර්ශනය 2012/12/21 වන දිනයෙන් අවසන් වන නිසා එදිනට කුමක් හෝ විශේෂ සිදුවිමක් සිදුවිය හැකි බවට බොහෝ දෙනා සැක කරණවා. ඒත් එක්කම ලොක විනාශය අලලා නිපදවන චිත්‍රපට ගණනාවක්ද මෙ කාල වකවානුව තුල නිකුත්විම මෙ සමිබන්ධයෙන් මිනිසුන්ගේ වැඩි අවධානයක් යොමු විමට හේතුවක් වෙලා තියෙනවා, කෙසේ වුවත් මා‍ මෙතැන් සිට ඉදිරිපත් කිරිමට බලාපොරොත්තු වන ලිපි පෙලෙන් කරැණු දක්වන්න බලාපොරොත්තු වෙන්නේ ලොකයේ උපත හා ලොකයත් වෙනත් ලොකයන් පිළිබදවත් බුදුදහම විස්තර කරල තියෙන්නේ මොනවගේද? බුදු දහම විස්තර කරල තියෙන කරැණු මොනවාද කියන එකයි. ඒවා නුතන විද්‍යාව එක්ක මොනතරමි දුරට ගැලපියා යනවද කියන කරැණුයි. ඊට ප්‍රථම මා වෙත ලැබුණු ඊ ලිපියක 2012 ලොක විනාශය සමිබන්ධයෙන් සදහන්ව තිබුණු කරැණු මම පහතින් දක්වන්නමි,

එහෙනමි ආයෙ බුදු දහම දෙසට හැරෙමු. මෙ ලොකයේ උපතත් මෙ ලොකයේ විනාශ විමත් ගැන කියන්න කලින් මෙ ලොකේ කියන්නේ මොකද්ද කියල බලන එක වටිනවා.

ඇත්තට ලොකය කියන්නේ මොකද්ද? එක එක අය මෙකට එක එක උත්තර දෙවි. කෙනෙක් කියයි ලොකේ කියන්නේ අපි මෙ ජිවත් වෙලා ඉන්න ග්‍රහ ලොකයට කියල‍. තව කෙනෙක් කියයි ලොකේ කියන්නේ මෙ ගස්වැල් සත්තු මිනිස්සු ගෙවල් දොරවල් කියන මෙ හැම දේම එකට ගත්තහම ලොකයයි කියල. මෙවත් හරි තමයි දැන් බලමු බුදු දහමෙ ලොකේ කියන්නේ මොකක් කියලද දක්වලා තියෙන්නේ කියල? එක්තරා අවස්ථාවක තැනැත්තෙක් ඇවිල්ල බදු රජානන්වහන්සේගෙන් අහනවා"ස්වාමිනි භාග්‍යවතානන් වහන්ස මිනිස්සු ලොකය ලොකය යැයි කියල කියනවා, ඇත්තටම මොකද්ද මෙ ලොකය කියල කියන්නේ" කියල එතකොට බුදුරජානන් වහන්සේ ඒකට දෙන උත්තරය තමයි මෙ බබයක් විතර විශාල ශරිරයට තමයි ලොකය කියල කියන්නේ, මෙ ලොකයේ ඇතිවිමත් නැතිවිමත් එහියි කියල. මෙක ලෙකු ගැඹුරක් තියෙන දේශනයක් ඒ ගැන මෙතන සදහන් කරනවාට වඩා මට වුවමනා කරන්නේ සරල හැදින්විමක් කරන්න. ඒක නිසා ලොකය කියන දෙයට සරලව දෙන්න පුළුවන් උත්තරේ තමයි, අපි පණ තියෙනවා යැයි කියන සත්ත්වයන්ගෙන් හා පණ නැතැයි කියන ගස් ගල් පර්වත ආදියත්, ධාතු හා ගුණ වශයෙන් ඇති දේවල් සියල්ල ලෝකය කියායි.

එහෙනමි මෙ ලොකය කියන දේ හැදිල තියෙන්නේ මොනා වලින්ද?
මෙකට එකම උත්තරය එක එක අයට තේරැමි යන විදියට 04 විදියකින් දෙන්න පුළුවන්. පළවෙනි උත්තරය තමයි
01)නාම රැප කියන එක.

02)පංචස්කන්ධය (රෑප, වෙදනා, සංඥා, සංස්කාර, විඥාන)

03)ද්වදශාආයතන (චක්ෂුප්‍රාසාදය,රෑප , සෝතප්‍රාසාදය, ශබිධය, ඝාන ප්‍රාසාදය, ඝන්ධය, ජිවිහා ප්‍රාසාදය, රස, කායප්‍රාසාදය, ස්පර්ශය, මනායතනය, ධර්ම) මෙහි දක්වා ඇති චක්ෂුප්‍රාසාදය අදියට ඇස/චක්කායතනය, කණ/සෝතායතනය, නාසය/ඝන්ධායතනය, දිව/ජිවිහායතනය, ශරිරය/පොටිඨබිබායතනය, සිත/මනායතනය වශයෙන්ද සමහර තැන් වල දක්වා ඇත. චක්ෂුප්‍රාසාදය /ඇස/චක්කායතනය මෙ කුමන වදන විවිධ ස්ථානයන්හි යෙදි තිබුනද මෙ සියල්ල එකමය.

04)අනිත් ක්‍රමය අටලොස් ධාතුන්ය. (ඇස,රෑප,චක්කු විඥානය/කණ,ශබිධය,සෝත විඥානය/නාසය,ඝන්ධය,ගාණ විඥානය/දිව,රසය,ජිවිහා විඥානය/ කය,ස්පර්ශය,කාය විඥානය/ සිත, ආරමිමන,මනෝ විඥානය)
මෙ ගැන මෙතනින් කියවන්න
අවසන් ආකාරය වඩා විස්තරාත්මක ආකාරයයි. මෙ පිළිබදව විස්තරයක් සපයනවා නමි, මෙ සියල්ල පසකින් තබා එයම ලිවිමට සිදුවන බැවින් ඒ පිළිබදව පසුව සලකා බලමු. කෙසේ වුවත් ලොකය යනුවෙන් හදුන්වන්නේ මෙ නාම රැපයන්ගේ එකතුවටයි.

ලො‍කයේ උපත කෙසේ සිදුවිද?
ලොකයේ උපත කෙසේ සිදුවිද යන්න සමිබන්ධයෙන් අනාදිමත් කාලයක සිට මිනිසා ප්‍රශ්ණකරන්ට වු දෙයකි. මෙ පිළිබදව කල්පනා කල සමහරැන්
පුටු, මෙස, නිවාස ආදිය ඉබෙ පහල වන දෙවල් නොව මිනිසුන් විසින් සාදනු ලබන දේවල්ය. එපරිද්දෙන්ම මෙ ලොකයත් කවරකු හෝ මවන ලද්දක් බව සිතන්නට විය. ලොකයක් මැවිමට තරමි බලගතු අයෙකු මෙ පෘතුවිය මත්තේ සොයාගත නොහැකි වු නිසා එබදු තැනැත්තකු ආකාශයේ හො ඇති ලෙස සිතන්නට විය. ඔහු ඊශ්වර හෝ දෙවියන්වහන්සේ හෝ ලෙස හදුන්වනු ලැබිය. එය එසේ වුවත් ඒ මැවුමිකරැ මැවිවේ කවුද යන්න පිළිබදව ඔවුන් කල්පනා නොකලෝය.මෙ ලොව එක් අයෙකුට පමණක් එලෙස මැවිමි කිරිමට විශේෂ බලයක් ලැබි අන් අයට එසේ නොලැබි යාමට හේතුව කුමක්දැයි කල්පනා කල බැලිය යුත්තකි.එබැවින් මැවිම බුදු සමය විසින් බැහැර කරණු ලැබුවකි.

මැවිම පිළිබද වැඩිදුර තොරතුරැ මෙතනින්
එම නිසා බුදු දහම මැවුමිවාදය ප්‍රතික්ෂෙප කරණු ලබයි. යමක් ඇත්නමි එහි ආරමිභයක්ද තිබිය යුතුයැයි යන න්‍යාය සැමටම අදාල වන්නේ නැත. මෙ අප වාසය කරන සැම තැනකම අවකාශයක් ඇත. අපි චලනය වන්නේත් අන්වස්තු පිහිටා ඇත්තේත්, අපි ඔබමොබ යන්නේත්, මෙ අවකාශය තුලය. එමනිසා අවකාශය කියා දෙයක්සත්‍ය ලෙසම ඇත. එසේ වුවත් කවුරැ හරි ඔබලගන් ඇසුවහොත් මෙ අවකාශයේ ආරමිභය කොතනද කියා එයට පිළිතුරැ දිමට හැකියාවක්ද නැත. නමුත් අවකාශ යන දෙය ඇති දෙයකි.මෙ ලොව පැවතිම පිළිබද යථා අවබොධයක් යමි තරමකට හෝ ලැබිමට නමි හේතුඵල දහම (පටිඡ්ච සමුපාදය) උගත යුතුයි මවන්නෙක් හෝ ඇතිකරන්නෙක් නොමැතිව මෙ ස්කන්ධ පරමිපරාවන් නොසිදි පවතින ආකාරය බුදුදහමෙ උගන්වා ඇත්තේ එහිය.

බුදුරජානන් වහන්සේගෙන් වරක් ලොව හෙවත් සසරේ පටන් ගැන්ම පිළිබදව ප්‍රශ්ණ කල විට බුදුපියාණන් වහන්සේ කියා සිටියේ "අනමතග්ගොයං භික්කවෙ සංසාරෝ පුබිබා කොටින පඤ්ඤායති" යනුවෙනි. එහි තේරැම වන්නේ මහණෙනි සංසාරය නොපෙනෙන කොනක් ඇතියෙකි. එහි පෙර කොන නොපෙන් යන්න වෙ. මෙහි පෙර කොන නොපෙනේ යනුවෙන් බුදුපියානන් වහන්සේ දේශනා කර ඇත්තේ
උන්වහන්සේට එහි ආරමිභය නොපෙනෙන නිසා නොව එහි ආරමිභයක් නොමැති නිසාය. මෙය අනමතග්ග සංයුක්තයේ දි වදාරා ඇත.

ඒ ලොකයේ ආරමිභය පිළිබදව කථාවය. දැන් සලකා බැලිය යුත්තේ ලොකය විනාශ වන්නේ කෙසේද යන්නය.

මතු සමිබන්ධයි

භික්‍ෂු විභංගය

1 ඒ කාලයෙහි භාග්‍යවත් බුදුරජාණන් වහන්සේ වේරඤජා නුවර සමීපයෙහි නලේරු යක්‍ෂයා අධිගෘහිත වු කොසඔ ගස සමීපයෙහි පන්සියයක් පමණ මහා භික්‍ෂු සමූහයක් සමග වාසය කරන සේක………..

2 වේරඤජ නම් බ්‍රාහ්මණ තෙමේ .භවත්නි, ශාක්‍ය වංශයෙන් පැවිදිව ශ්‍රමණ ගෞතම තෙම පන්සියයක් පමණ වු මහත් භික්‍ෂු සමුහයක් සමග වේරඤජා නුවර නලේරු නම් යක්‍ෂයා අධිගෘහිත වු කොසඹ ගස සමිපයෙහි වාසය කරන්නේලු.

3 .ඒ භවත් ගෞතමයන් වහන්සේ ඒ (භාග්‍යවතුන් වහන්සේ) මේ කාරණයෙනුදු අර්හත් නම් වන සේක. තමන්ම සියලු ධර්‍මයන් අවබෝධ නරගන්නා ලදී. ත්‍රිවිද්‍යා අෂ්ට විද්‍යා හා පසළොස් චරණ ධර්‍මයන්ගෙන් යුක්තය. යහපත් ගමන් ඇත්තේය. තුන් ලෝකය දන්නේය. දමනය කළ යුතු පුරුෂයන් දමනය කිරීමට මීට වඩා ශ්‍රේෂ්ඨයෙක් නැත . දෙවි මිනිසුන්ගේ අනුශාසකයාය. චතුරාර්‍ය සත්‍ය ධර්‍මයන් අවබෝධ කළසේක. භාග්‍ය ( පින් ) ඇත්තේයයි. මෙසේ යහපත් කීර්ති ශබ්දයක් පැන නැංගේය.

4 .හෙතෙම(1) දෙවියන් සහිත වූ මරුන් සහිත වු බඹුන් සහිත වු ශ්‍රමණබ්‍රාහ්මණයන් සහිත ලෝකයෙහි දෙවි මිනිසුන් සහිත වු (2) සත්ව සමූහය විශිෂ්ට ඥානයෙන් දැන ප්‍රත්‍යක්‍ෂ කොට ප්‍රකාශ කරයි. හෙතෙම මුල යහපත් මැද යහපත් අග යහපත් අත්‍ර්‍ථ සහිත ව්‍යඤජන ඇති දොස් නැති පිරිසිදු වු බ්‍රහ්මචය්‍ර්‍යය ය ප්‍රකාශ කරයි (3) එබඳු රහතුන්ගේ දැකීම ඇත්තේ නම් යහපතැ යි. කීයේය.

5 ඉක්බිති වේරඤජා බ්‍රාහ්මණ තෙමේ භාග්‍යවතුන් වහන්සේ යම් තැනෙක්හිද එහි පැමිණියේය. පැමිණ භාග්‍යවතුන් වහන්සේ සමග ප්‍රීති විය. සතුටු විය යුතුවූ , සිහිපත් කටයුතුවූ, කථාව කොට නිමවා එක පැත්තකට වී හුන්නේය. (2) එක පැත්තකට වී හුන් වේරඤජ බ්‍රාහ්මණ තෙමේ භාග්‍යවතුන් වහන්සේට, .භවත් ගෞතමයන් වහන්ස, ශ්‍රමණ ගෞතමයන් වහන්සේ (3) දිරූ, වැඩි මහළු වූ, බොහෝකල් දත්, කලක් ඉක්ම ගිය, අන්තිම වයසට පැමිණි බමුණන්ට නො වඳියි හෝ අස්නෙන් නො නැගිටී හෝ අසුනක් බාර නො දෙයි,. කියා මාවිසින් එය අසන ලදී. .භවත් ගෞතමයන් වහන්ස, එය එසේමද? භවත් ගෞතමයන් වහන්ස, (මෙහි 3 යොදන්න ) බාර නොදෙයි ද?භවත් ගෞතමයන් වහන්ස, එය අයුතුමය..

6 .බමුණ, ( මෙහි 4 -1 යොදන්න) අතරෙහි මම යමෙකුට වඳින්නෙම් නම් හෝ දැක අස්නෙන් නැගිටින්නේ නම් හෝ අසුන බාර දෙන්නෙම් නම් හෝ ඔහු මම නොදක්නෙමි.. බමුණ, තථාගතයන් වහන්සේ යමෙකුට වඳින්නේ නම් හෝ දැක අස්නෙන් නැගිටින්නේ නම් හෝ අසුනක් බාර දෙන්නේ නම් හෝ ඔහුගේ හිස කැඩී වැටෙන්නේය යි. වදාළසේක.

7 .භවත් ගෞතමයන් වහන්සේ සමගි රස නැති කෙනෙක් වැනිදැයි. ඇසීය. (2) .බමුණ, ශ්‍රමණ ගෞතමයන් වහන්සේ සමගි රස නැත්තෙක් වැනියයි යම් කාරණයකින් මට මනා කොට කියන්නේ නම් බමුණ, ඊට හේතුවක් ඇත්තේය, බමුණ, යම් ඒ රූප රසයෝ ඇත්ද , ශබ්ද රසයෝ ඇත්ද, ගන්‍ධ රසයෝ ඇත්ද, රස රසයෝ ඇත්ද, ස්පර්‍ශ රසයෝ ඇත්ද, ඔව්හු තථාගතයන් වහන්සේට නැත්තාහ.මුල් සිඳින ලද්දාහ.මුදුන සිඳින ලද තල් ගසක් මෙන් කරන ලද්දාහ.

ක්‍රමයෙන් නැති කරන ලදහ.මත්තෙහි නූපදින බවට පමුණුවන ලදහ.ශ්‍රමණ ගෞතමයන් වහන්සේ සමගි රස නැත්තෙකු වැනියයි යමක් කරණ කොටගෙන මට මනා කොට කියන්නාහු කියත්ද, .බමුණ,මේ ඒ කාරණයයි ඔබ යමක් සඳහා කියයිද එය නොවේ.

8 .භවත් ගෞතමයන් වහන්සේ සමගි පරිභෝගයක් නැත්තේදැ.යි ඇසීය. (මෙහි7ඡේදය යෙදිය යුතුයි.) යෙදීමේදී,. රසයන් . වෙනුවට .පරිභොගයෝ. යොදන්න.)

9 . භවත් ගෞතමයන් වහන්සේ වැඳීම ආදී කුසල් නොකරන බැවින් නොකිරීම කියන්නෙක්දැ. යි ඇසීය..බමුණ, ශ.්‍රමණ ගෞතමයන් වහන්සේ නොකිරීම කියන්නෙකැ යි. යම් කාරණයකින් මට මනාකොට කියන්නේ නම් බමුණ ඊට හේතුවක් ඇත්තේය.. බමුණ මම කයින් කරන නරක වැඩ, වචනයෙන් කරන නරක වැඩ, සිතින් කරන නරක වැඩ නො කිරීම කියමි.නානාප්‍රකාර ලාමක අකුශල ධර්‍මයන් නොකිරීම කියමි. .ශ්‍රමණ ගෞතමයන් වහන්සේ නොකිරීම කියන්නේය. යි යම් කාරණයකින් මට මනා කොට කියන්නේද?, .බමුණ. මේ ඒ ක්‍රමයයි. නුඹ යමක් සඳහා කියන්නේද එය නොවේ.

10 .භවත් ගෞතමයන් වහන්සේ වැඳීම් ආදී ලෝක චාරිත්‍ර නැති කරන්නෙක්දැ යි. ඇසීය..බමුණ, ශ්‍රමණ ගෞතමයන් වහන්සේ විනාශය කියන්නෙකැයි. යම් කාරණයකින් මට මනා කොට කියන්නේ නම් .බමුණ, ඊට හේතුවක් ඇත්තේය. .බමුණ මම රාගයාගේ, ද්වේෂයාගේ, මෝහයාගේ, විනාශය කියමි.නානාප්‍රකාර අකුශල ධර්‍මයන්ගේ විනාශය කියමි. ශ්‍රමණ ගෞතමයන් වහන්සේ විනාශය කියන්නේ යයි යම් කාරණයකින් මට මනා කොට කියන්නේ ද .බමුණ, මේ ඒ ක්‍රමයයි.නුඹ යමක් සඳහා කියන්නේ ද එය නොවේ..

11 .භවත් ගෞතමයන් වහන්සේ වැඳීම් ආදිය පිළිකුල් කරන්නේදැ. යි ඇසීය. .බමුණ, ශ්‍රමණ ගෞතමයන් වහන්සේ වැඳීම් ආදිය පිළිකුල් කරන්නෙකැයි. යම්

කාරණයෙකින් මට මනාකොට කියන්නේ නම්, .බමුණ, ඊට හේතුවක් ඇත්තේය. .බමුණ, මම ශරිරයෙන් කෙරෙන වැරැදි පිළිකුල් කරමි. වචනයෙන් වන වැරැදි පිළිකුල් කරමි. සිතින් වන වැරැදි පිළිකුල් කරමි.නානාප්‍රකාර ලාමක අකුශල ධර්‍මයන් සමාපත්තියෙන් පිළිකුල් කරමි.ශ්‍රමණ ගෞතමයන් වහන්සේ පිළිකුල් කරන්නෙකැයි (2) යම් කාරණයෙකින් මට මනාකොට කියන්නේද, බමුණ, මේ ඒ කාරණයයි.නුඹ යමක් සඳහා කියයිද එය නොවේ.

12 . භවත් ගෞතමයන් වහන්සේ හික්ම විය යුත්තෙක් නිග්‍රහ කළ යුත්තෙක්දැ. යි ඇසීය. ,බමුණ, ශ්‍රමණ ගෞතමයන් වහන්සේ හික්ම විය යුත්තෙකැයි යම් කාරණයකින් මට මනා කොට කියන්නේද, .බමුණ, මම රාගය ,ද්වේශය, මෝහය, හික්මවීම පිණිස බණ කියමි. නානාප්‍රකාර අකුශල ධර්‍මයන් හික්මවීම පිණිස බණ කියමි. ශ්‍රමණ ගෞතමයන් වහන්සේ හික්මවිය යුත්තෙකැයි, (මෙහි 9 (2) යොදන්න.)

13 , භවත් ගෞතමයන් වහන්සේ වැඳීම් ආදිය නොකර තපස්වීන් වෙහෙසන කෙනෙක්දැයි. ඇසීය.. බමුණ, ශ්‍රමණ ගෞතමයන් වහන්සේ තපස් ඇත්තෙකැයි . යම් කාරණයකින් මට මනාකොට කියන්නේද .බමුණ මම කාය දුශ්චරිතය, වාග් දුශ්චරිතය, මනෝ දුශ්චරිතය, තැවිය යුතුයයි කියමි. අකුශල ධර්‍මයන් තැවිය යුතුයයි කියමි. .බමුණ, යමෙකුට වනාහි තැවිය යුතු ලාමක අකුශල ධර්‍මයෝ ප්‍රහීන වූවාහු වෙත්ද, මුල් උදුරණ ලද්දාහු වෙත්ද, මුදුන සිඳින ලද තල් ගසක් මෙන් කරන ලද්දාහු වෙත්ද, අභාවයට යවන ලද්දාහු වෙත්ද, නූපදින ස්වභාවයට පමුණුවන ලද්දාහු වෙත්ද, ඔහුට මම තපස් ඇත්තේයයි, කියමි..බමුණ, තථාගතයන් වහන්සේ විසින් තැවීම කටයුතු වූ ලාමක අකුශල ධර්‍මයෝ ප්‍රහීණ කරන ලද්දාහ.සිඳින ලද මුල් ඇත්තාහ. මුදුන සිඳින ලද තල් ගසක් මෙන් කරන ලද්දාහ.අභාවයට යවන ලද්දාහ. මත්තෙහි නූපදින තත්‍වයට පමුණුවන ලද්දාහ. .බමුණ, ශ්‍රමණ ගෞතම තෙමේ තපස් ඇත්තේයයි යම් ක්‍රමයකින් කියන්නාහු කියත් නම් , මේ ඒ ක්‍රමයයි. ඔබ යමක් සඳහා කියන්නෙහිද එය නො වේ.

14 .භවත් ගෞතමයන් වහන්සේ දෙව්ලොව ඉපදීමෙන් පහවූයේදැ. ඇසීය. .බමූණ, ශ්‍රමණ ගෞතමයන් වහන්සේ දෙව්ලොව ඉපදීමෙන් වෙන්වූයේයයි. යම්හෙයකින් මට මනාකොට කියන්නේද, .බමුණ, මම මත්තෙහි ගර්භයෙහි සයනය කිරීම, නැවත භවයක ඉපදීම නැතිකරන ලදී. සිඳින ලද මුල් ඇත්තාහු වෙත්ද, මුදුන සිඳින ලද තල්ගසක් මෙන් කරණ ලද්දාහු වෙත්ද, අභාවයට යවන ලද්දාහු ද, මත්තෙහි නූපදින තත්‍වයට පමුණුවන ලද්දාහුද, එය මම ඉපදීමෙන් වෙන් වීමයයි කියමි. .බමුණ, තථාගතයන් වහන්සේ මත්තෙහි ගැබක සයනය කිරීම නැවත භවයක ඉපදීම නැතිකරන ලද්දාහ,මුල් උදුරා දමන ලද්දාහ, මුදුන සිඳු තල් ගසක් මෙන් කරන ලද්දාහ, අභාවයට යවන ලද්දාහ,මත්තෙහි නූපදින තත්‍වයට පමුණුවන ලද්දාහ..බමුණ, ශ්‍රමණ ගෞතමයන් වහන්සේ ඉපදීිමෙන් තොර වූයේයයි කියා මට යම් හෙයකින් කියන්නාහු නම්, මේ ඒ ක්‍රමයයි.ඔබ යමක් සඳහා කියන්නේ නම් එය නො වේ.

15 , බමුණ, යම් සේ අටක් හෝ දහයක් හෝ දොළසක් හෝ කිකිළි බිත්තර වෙත්ද, ඒ බිත්තර උඩ කිකිළිය යහපත්සේ නිදනලද්දී ද, යහපත්සේ උනුසුම් කරන ලද්දාහු වෙත් ද කුකුඑ ගඳ ගස්වන ලද්දාහු වෙත් ද ඒ කුකුඑ පැටවුන්ගෙන් යම් කිසිවෙක් පළමුවෙන් පයේ නිය අගින් හෝ හොට අගින් හෝ බිත්තරය බිඳ සැපසේ පිටවන්නේ ද, කිමෙක් ද? හෙතෙම වැඩිමහළුද බාලයයි කිව යුතුදැ.යි ඇසීය, .භවත් ගෞතමයන් වහන්ස, ඔහුට වැඩිමහළුයයි.. කිව යුතුය. හෙතෙම ඔවුන්ගේ වැඩිමලාය..බමුණ එසේම මම හාත්පසින් වැසුන අවිද්‍යාවට ගිය සතුන් අතරෙහි අවිද්‍යාව නමැති බිත්තරය බිඳ තනිව ලෝකයෙහි ශ්‍රේෂ්ඨ බුද්ධත්‍වය ලැබු වෙමි.ඒ මම ලෝකයට ජ්‍යෙෂ්ඨ ය. ශ්‍රේෂ්ඨ ය.,

16 , බමුණ, මාවිසින් වීය්‍ර්‍යය පටන්ගන්නාලදී. නො සැගවුණේය. සිහිය එළඹ සිටියේය. මුලා නොවීය.ශරීරය සංසිඳුණේය.දාහ නැතිවිය.සිත සමාධිගත විය.එකග වූයේය..බමුණ, ඒ මම (2) කාමයන්ගෙන් වෙන්ව අනුශල ධර්‍මයන්ගෙන් වෙන්ව විතර්‍ක සහිත විචාර සහිත විවේකයෙන් උපන් ප්‍රීතිය හා සැපය ඇති ප්‍රථමධ්‍යානයට පැමිණ වාසය කෙළෙමි.විතර්‍ක විචාරයන්ගේ සංසිඳිමෙන් ඇතුළත පැහැදීම ඇති සිත් හා එකට පහළවීම ඇති විතර්‍ක නැති විචාර නැති සිත එකග කිරීමෙන් උපන් දෙවෙනි ධ්‍යානයට පැමිණ වාසය කරමි.ප්‍රීතිය පහවීමෙන් උපෙක්‍ෂාවෙන් යුක්තව වාසය කෙළෙමි.සිහි ඇතිව යහපත් නුවණින් යුක්තව කයින් සැපයක් වින්දෙමි.යමක් ආය්‍ර්‍යයෝ උපේක්‍ෂා ඇත්තේ සිහි ඇත්තේ සැපසේ වාසය කෙරේයයි තියත්ද, ඒ තුන් වෙනි ධ්‍යානයට පැමිණ වාසය කෙළෙමි.සැප නැතිවීමෙන්ද දුක නැතිවීමෙන්ද පෙරම සොම්නස් දොම්නස් දෙකම අස්තයට යාමෙන් දුක් නැති සැප නැති උපේක්‍ෂාවෙන් උපන් සිහියේ පිරිසිදුකම ඇති සතරවෙනි ධ්‍යානයට පැමිණ වාසය කරමි.

17 .ඒ මම මෙසේ සිත එකග වූ කල්හි පිරිසිදු වූ කල්හි දීප්තිමත් වු කල්හි කිලිටි නැති වූ කල්හි කෙළෙස් නැති වූ කල්හි පහ වු උවදුරු ඇති කල්හි මෘදු වූ කල්හි කර්‍මයට යොග්‍යව සිටි කල්හි නොසෙල්වෙන බවට පැමිණි කල්හි පෙර විසූ කඳ පිළිවෙළ සිහි කරන නුවණ පිණිස සිත නැමුයෙමි. (මෙහි, කෙරෙයි, යන්න, කළෙමි, කියා වෙනස් කොට 1 දීඝනිකායේ 52 ඡේදය යොදන්න) (126 පිට) බමුණ, මේ මාගේ බිජුවටින් කුකුළු පැටියාගේ මෙන් ප්‍රථම පහළවීම වේ..

18 ( මෙහි. .නමයි. යනු .නැමීම. කියා වෙනස් කොට 1 දීඝනිකායේ 76 ඡෙදය යොදන්න´ (128) .බමුණ, මේ මාගේ බිජුවටින් කුකුළු පැටවාගේ මෙන් දෙවෙනි පහළවීම වේ..

19 ( මෙහි. .නමයි. යනු .නැමීම. කියා වෙනස් කොට දීඝනිකායේ 78 ඡෙදය යොදන්න) (130 පිට) .බමුණ, මේ මාගේ බිජුවටින් කුකුළු පැටවාගේ මෙන් තුන්වෙනි පහළවීම වේ.

20 මෙසේ කී කල්හි වේරඤජ බ්‍රාහ්මණ තෙමේ භාග්‍යවතුන් වහන්සේට .භවත් ගෞතමයන් වහන්සේ ජ්‍යෙෂ්ඨය. භවත් ගෞතමයන් වහන්සේ ශ්‍රේෂ්ඨය, (මෙහි 1 දීඝනිකායේ 132 පිටේ .ස්වාමීනි .යන තැන සිට ගනිමි, යන තැනට යොදන්න) භවත් ගෞතමයන් වහන්සේ භික්‍ෂු සංඝයා සමග වේරඤජාවෙහි වස් විසිම ඉවසන සේක්වා.යි කීවේය. භාග්‍යවතුන් වහන්සේ තුෂ්ණීම්භාවයෙන් ඉවසූසේක. ඉක්බිති වේරඤජ බ්‍රාහ්මණ තෙම භාග්‍යවතුන් වහ්සේගේ පිළිගැනීම දැන අස්නෙන් නැගිට, භාග්‍යවතුන් වහන්සේ වටේ කැරකී වැඳ (පැදකුණූ කොට ) ගියේය.

21 එකල්හි වනාහි වේරඤජාවෙහි දුර්භික්‍ෂය ඇත්තේ වෙයි. ජීවත් වේදෝ නොවේදෝ හෝයි යන අදහස් දෙක ඇත්තේ සුදුවූ ධාන්‍ය ඇත්තේ සීට්ටු ක්‍රමයෙන් ජීවත් වීම ඇත්තේ පිඩු සිගීමෙන් ජීවත්වන්ට නොහැක්කේ විය. එකල්හි වනාහි උතුරු දෙශයෙහි වූ අශ්ව වෙළෙන්දෝ අශ්වයන් පන්සියයක් සමග වේරඤජාවෙහි වාසයට පැමිණියාහු වෙත්. ඔවුන් විසින් අශ්වයන් සිටි භුමියේ හුන් භික්‍ෂුන්ට නැළියක් පමණ යව එක් නමකට නියම කරන ලද්දාහු වෙත්.

22 භික්‍ෂුහු පෙරවරු වේලෙහි හැඳ පොරවා පාත්‍ර සිවුරු රැගෙන වේරඤජාවට පිඩු පිණිස වැඩ, පිඩු නො ලබන්නාහු අශ්ව භුමීන්හි පිඩු පිණිස හැසිර යව නැළිය ආරාමයට ගෙනවුත් වනේ කොටා අනුභව කරත්. ආයුෂ්මත් ආනන්‍ද ස්ථවිර තෙමේ යව නැළියක් ගලෙක්හි අඹරා භාග්‍යවතුන් වහන්සේට පිළිගැන්වූයේය. භාග්‍යවතුන් වහන්සේ එය වැළඳූසේක.

23 භාග්‍යවතුන් වහන්සේ වංගෙඩි ශබ්දය ඇසූසේක. තථාගතවරයෝ දන්නාහුද විචාරත්, දන්නාහුද නො විචාරත්, කාලය දැන විචාරත්, කාලය දැන නො විචාරත් , තථාගතවරයෝ වැඩක් ඇතිව විචාරත්, වැඩක් නැතිව නො විචාරත් ,වැඩක් නැති දෙය තථාගතයන් විසින් මාර්‍ගයෙන් නසන ලදී, දෙපරිද්දෙකින් භාග්‍යවත් බුදුවරු භික්‍ෂූන් විචාරත්, .බණ හෝ වදාරන්නෙමි, ශ්‍රාවකයන්ට ශික්‍ෂාපද හෝ පනවන්නෙමියි. කියාය

24 ඉක්බිති භාග්‍යවතුන් වහන්සේ ආයුෂ්මත් අනඳ තෙරුන්ට කථා කලසේක. .ආනන්‍දය, ඒ වංගෙඩි ශබ්දය නුමක්දැයි, ඇසූසේක. ඉක්බිති ආයුෂ්මත් ආනන්‍ද සථවිරයන් වහන්සේ භාග්‍යවතුන් වහන්සේට මේ කාරණය සැල කලසේක. .ආනන්‍දය, යහපත, යහපත, ආනන්‍දය, තොප වැනි සත්පුරුෂයන් නිසා දුර්භික්‍ෂය දිනන ලදී. පසුව ඇතිවන අය හැල් බත් හා මස් උසස් කොට නොගන්නාහ. යි වදාළෝය.

25 ඉක්බිති ආයුෂ්මත් මහ මුගලන් ස්ථවිර තෙමේ භාග්‍යවතුන් වහන්සේ යම්තැනෙක්හි ද එහි පැමිණියේය. පැමිණ, භාග්‍යවතුන් වහන්සේ වැඳ එක්පැත්තක සිටියේය. එක්පැත්තකට වී හුන් ආයුෂ්මත් මහ මුගලන් තෙමේ භාග්‍යවතුත් වහන්සේට, , ස්වාමීනි, දැන් වේරඤජාවට දුර්භික්‍ෂයකි, අදහස් දෙකකි. සුදු ඇට ඇත්තේය. සීට්ටු ක්‍රමයෙන් ජීවත් වීම ඇත, පිඩු සිගා යාමෙන් ජීවත් වන්නට නොහැක්ක, ස්වාමීනි, මේ පෘථිවියෙහි යට පැත්ත සශ්‍රිකය, කුඩා මැස්සන් විසින් බඳින ලද පිළවුන් නැති මීයක් මෙනි.මෙසේ කෑමට රසවත්ය. සවාමීනි, මම පෘථිවිය පෙරළන්නෙම් නම් යෙහෙක. භික්‍ෂූහු පෘථිවි රසය අනුභව කරන්නාහු නම් යහපත්ය,, යි කීයේය. .මොග්ගල්ලානය යම් ඒ පෘථිවිය ඇසුරු කොට ඇති සත්තු වෙත්ද ඔවුන්ට කුමක් කරන්නෙහිදැ.යි ඇසීය..ස්වාමීනි.මම මහා පෘථිවිය ප්‍රමාන එක් අතක් මවා ගන්නෙමි.පෘථිවිය ඇසුරු කළ සතුන් වෙත්ද, ඔවුන් ඊට මාරු කරන්නෙමි. එක් අතකින් පොළොව පෙරලන්නෙමි.ියි කීයේය. මොග්ගල්ලානය, තොපට පොළොව පෙරළන්ට රුචියක් නොවේවා. සත්‍වයෝ විපය්‍ර්‍යාසයකට පැමිනෙන්නාහුය, .ස්වාමීනි, සියළු භික්‍ෂුහු උතුරුකුරු දිවයිනට පිණ්ඩපාතය පිණිස යන්නාහු නම් යහපතැයි. කීයේය. .මොග්ගල්ලානය, එපා. සියළු භික්‍ෂුන් උතුරුකුරු දිවයිනට පිණ්ඩපාතය නොයේවා..

26 ඉක්බිති රහසිගත වූ හුදකලා වූ ආයුෂ්මත් සැරියුත් තෙරුන්ට ( 11 ) මෙසේ සිතට සැකයක් පහළවිය. කිනම් භාග්‍යවත් බුදුකෙනෙකුන්ගේ ශාසනය බොහෝ කලක් නොපැවැත්වේ ද කිනම් භාග්‍යවත් බුදුවරුන්ගේ ශාසනය බොහෝ කල් පැවැත්වේ ද ?(3) ඉක්බිති ආයුෂ්මත් ශාරිපුත්‍ර ස්ථවිරයන් වහන්සේ සවස් කාලයෙහි පලසමවතින් නැගිට්ටේ භාග්‍යවතුන් වහන්සේ යම් තැනෙක්හි ද එහි පැමිනියේය. පැමිණ භාග්‍යවතුන් වහන්සේ වැඳ එක්පැත්තකට වී සිටියේය. එකත්පසෙක සිටි ආයුෂ්මත් ශාරිපුත්‍ර සථවිරයන් වහන්සේ භාග්‍යවතුන් වහන්සේට .ස්වාමීනි, මෙහි රහසිගත වු විවේකයට ගිය මට (මෙහි (2) යොදන්න) .ශාරිපුත්‍රය, (5 ) විපස්සී බුදුරජාණන් වහන්සේගේ ද, සිඛී බුදුරජාණන් වහන්සේගේ ද, වෙසසභූ බුදුරජාණන් වහන්සේගේ ද, ශාසනය බොහෝ කලක් (5) නො පැවැත්තේය. ශාරිපුත්‍රය, කකුසඳ බුදුරජාණන් වහන්සේගේ ද, කෝනාගම බුදුරජාණන් වහන්සේගේ ද, කාශ්‍යප බුදුරජාණන් වහන්සේගේ ද, ශාසනය බෝහෝ කලක් පැවැත්තේ යයි . කීයේය.

27 ,ස්වාමීනි, යම් කරුණකින් භාග්‍යවත් ( මෙහි 4 (4) යොදන්න ) නොපැවැත්තේදැ, යි ඇසීය. , ශාරිපුත්‍රය. විපස්සී භාග්‍යවතුන් වහන්සේ ද, සිඛී භාග්‍යවතුන් වහන්සේ ද, වෙස්සභු භාග්‍යවතුන් වහන්සේ ද, ශ්‍රාවකයන්ට විස්තර වශයෙන් ධර්‍මදේශනා කරන්ට වෙහෙසුනාහුය. උන්වහන්සේලාගේ (2) සූත්‍ර නමින් යුත් බණ, වාසගම් දෙකින් මිශ්‍ර බණ . ගාථා, ප්‍රීති වාක්‍ය, මෙසේ කීයේය යන ධර්‍ම, ජාතක විෂ්මය ජනක ධර්‍ම, බලවත ්ප්‍රීතිවාක්‍ය යන අංග නවයකින් යුත් ධර්‍ම ස්වල්පය, ශ්‍රාවකයන්ට ශික්‍ෂාපද නොපනවන ලදී. ප්‍රාතිමොක්‍ෂය නොදෙසන ලදී, ඒ භාග්‍යවත් බුදුවරුන්ගේ පිරිනිවීමෙන් බුදුන්ගෙන් අසා අවබෝධ කරගත් ශ්‍රාවකයන්ගේ අතුරුදහන් වීමෙන්, යම් ඒ, පසුව සිටි ශ්‍රාවකකෙනෙක් ඇත් ද නොයෙක් නම් ඇත්තාහු. නොයෙක් ගෝත්‍ර ඇත්තාහු, නොයෙක් ජාති ඇත්තාහු,නොයෙක් වංශවලින් පැවිදිවූවාහු ඒ ධර්‍මය වහා අතුරුදහන් කළාහුය. .ශාරිපුත්‍රය, යම්සේ නොයෙක් මල්. තැටියෙක්හි දමන ලද්දාහු නූලකින් නො අමුනන ලද්දාහු වාතය විසුරුවයිද. පිඹහරියිද , වනසයිද,

ඊට හේතු කවරේද? යම්සේ නූලකින් එකතු නො කරනලද්දාහු ද එමෙනි,, .ශාරිපුත්‍රය, එසේම ඒ භාග්‍යවත් බුදුවරුන්ගේ නැතිවීමෙන් නොයෙක් නම් ඇති, නොයෙක් ගෝත්‍ර ඇති. නොයෙක් ජාති ඇති, නොයෙක් වංශවලින් පැවිදි වූ ඒ ශ්‍රාවකයෝ ඒ ශාසනය වහා නැති කළාහුය. ඒ බුදුවරුද සිතින් සිත දැන ශ්‍රාවකයන්ට අවවාද කරන්නට නො වෙහෙසුනාහුය.

28 ,ශාරීපුත්‍රය, පෙර වූ දෙයක් කියමි .අර්‍හත් සම්‍යක් සම්බුදධ වූ වෙස්සභු භාග්‍යවතුන් වහන්සේ එක්තරා භයජනක වනලැහැබෙක්හි දහසක් භික්‍ෂු සංඝයා සිතින් සිත දැන අවවාද කරයි. අනුශාසනා කරයි. මෙසේ සිතව්. මෙසේ නො සිතව්. මෙසේ මෙනෙහි කරව් මෙසේ මෙනෙහි නොකරව්. මෙය අත්හරිව්. මීට පැමිණ වාසය කරව්ය,යි කියායි .ශාරීපුත්‍රය, ඉක්බිති ඒ භික්‍ෂූන් දහසට වෙස්සභු භාග්‍යවතුන් වහන්සේ විසින් අවවාද කරන්නේ අනුශාසනා කරන්නේ රාගාදී වශයෙන් නොගෙන කෙළෙසුන්ගෙන් සිත මිදුනේය. ශාරිපුත්‍රය, එහි භයජනක වනලැහැබේ භයජනක බව වේ. යම්ිකිසි කෙළෙස් නැසූ කෙනෙක් ඒ වන ලැහැබට පැමිණේද රෑ බොහෝසෙයින් ලොම් කෙළින් සිටින්නේය. ශාරීපුත්‍රය, විපසසී සිඛි වෙසසභු බුදුවරුන්ගේ ශාසනය බොහෝ කල් නො පැවතීමට මේ හේතුවකි..

29 .ස්වාමීනි, යම්කරුණකින් (2) කකුසඳ, කෝනාගම, කාශ්‍යප බුදුවරුන්ගේ ශාසනය බොහෝ කල් පැවැත්තේද ඊට හේතු ප්‍රත්‍යය කවරේද? (3) .ශාරීපුත්‍රය, කකුසඳ, කෝනාගම, කාශ්‍යප යන බුදුවරු ශ්‍රාවකයන්ට විස්තර වශයෙන් ධර්‍මදෙශනා කරන්නට වෙහෙස නො වූවාහුද, උන්වහන්සේලාගේ (මෙහි27 (2)) යෙදීමේදී, .ස්වල්ප. වෙනුවට .බොහෝ . .වහාම අතුරුදහන් කළාහුය.යන්නට .බොහෝ කලක් රෑක්කාහුය. කියාද, .නූලකින් එකතු නො කරන ලද්දාහුය. යන්නට .නූලකින් එකතු කරන ලද්දාහු. කියාද, .නො විසුරුවයි, පිඹ නො හරියි, නොම නසයි, බොහෝ චිරස්ථායි වීයයි. කියා වෙනස්කර යොදා ගත යුතුයි.)

30 ඉක්බිති ආයුෂ්මත් ශාරිපුත්‍ර තෙමේ අස්නෙන් නැගිට තනිපට සිවුර ඒකාංශ කොටපෙරවා, භාග්‍යවතුන් වහන්සේ යම් තැනෙක්හිද එතන්හි දොහොත් මුදු දී භාග්‍යවතුන් වහන්සේට .භාග්‍යවතුන් වහන්ස, මෙය කල්ය, සුගතයන් වහන්ස, එයට කාලයයි. යම්හෙයකින් භාග්‍යවතුන් වහන්සේ ශ්‍රාවකයන්ට ශික්‍ෂාපද පණවන්නේද, පාමොක් උදෙසන්නේද, යම්සේ මේ බ්‍රහ්මචය්‍ර්‍යය බොහෝකල් පවත්නේ වේ.බොහෝ කල් සිටින්නේ වේයයි. මෙසේ කීවේය. ,ශාරිපුත්‍රය, ඔබ නවතින්න. ශාරිපුත්‍රය, ඔබ නවතින්න. තථාගතයන් වහන්සේම ඊට කාලය දන්නේය. ශාරිපුත්‍රය, තවම ශ්‍රාවකයන්ට ශික්‍ෂාපද නො පණවයි.පාමොක් නො උදෙසයි. යම්තාක් මෙහි කෙළෙස් ඇතිවන ඇතම් කාරණයෝ සංඝයා කෙරෙහි පහළ නොවෙත්ද ඒතාක්ය. ශාරිපුත්‍රය, සංඝයා කෙරෙහි කෙළෙස්වලට හේතු ධර්‍මයන් පහලවෙත්ද ඒ කෙළෙසුන්ට හේතු ධර්‍ම නැසීමට එකල ශාසතෘන් වහන්සේ ශ්‍රාවකයන්ට ශික්‍ෂාපද පණවයි. ප්‍රාතිමොක්‍ෂය දේශනා කරයි. ශාරීපුත්‍රය, මේතාක් ලෝකයෙහි වූ ඇතම් ක්ලෙශ ධර්‍ම කෙනෙක් සංඝයා කෙරෙහි පහළ නොවෙත්.,

31 ,යම් තැනක සිට සංඝයා වස් ගණනින් මහත් බවට පැමිණියේද, (2) එකල මේ් ලෝකයෙහි කෙළෙසුන්ට හේතු කරුණු සංඝයා කෙරෙහි පහළවෙත්. එකල ශාසතෘන් වහන්සේ ශ්‍රාවකයන්ට ශික්‍ෂාපද පණවනසේක. ඒ කෙළෙසුන්ට හේතු ධර්‍ම නැසීම පිණිස ප්‍රාතිමොක්‍ෂය දේශනා කරනසේක.ශාරිපුත්‍රය, මේතාක් සංඝයා කෙරෙහි සමහර කෙලෙසුන්ට හේතු ධර්‍ම පහළ නොවෙත්.,

32 , යම් තැනක සිට සංඝයා පිරිස් වශයෙන් මහත් බවට පැමිණියේද, (මෙහි31 (2 ) යොදන්න. )

33 , යම් තැනක සිට සංඝයා ලාභයෙන් මහත් බවට පැමිණියේද, (මෙහි 31 (2) යොදන්න)

34 , යම් තැනක සිට සංඝයා උගත් කමින් මහත් බවට පැමිණියේද( 31(2) යොදන්න) ශාරිපුත්‍රය, භික්‍ෂු

සංඝ තෙමේ දුශ්ශීලයන්ගෙන් තොරය. උවදුරුවලින් තොරය. විපතින් බැහැරය. පහවූ දුශ්ශීලයන් ඇත්තේය. පිරිසිදුය. හර ගුණධර්‍මවලින් යුක්තය. ශාරිපුත්‍රය, මේ භික්‍ෂූණ පන්සියය අතරින් යමෙක් බාලද හෙතෙම සෝවාන්ය. අපායෙහි නො වැටෙන ස්වභාව ඇත්තේය. නිවනට නියමය. අවබෝධය. ශ්‍රේෂ්ඨ පිහිට කොට ඇත්තේය.,

35 ඉක්බිති භාග්‍යවතුන් වහන්සේ ආයුෂ්මත් ආනන්ද සථවිරයන් වහන්සේ ඇමතුසේක. , ආනන්දය, යමෙකු විසින් ආරාධනා කරනු ලැබ වස් වසත්ද, ඔවුන් නොවිචාරා ඇවිදීමට යාම තථාගතවරුන් විසින් පුරුදු නොකරන ලදී. යමු, වේරඤජ බ්‍රාහ්මණයා විචාරමුයයි, වදාළසේක. ආයුෂ්මත් ආනන්ද සථවිරයන් වහන්සේ .එසේය, ස්වාමීනි.යි භාග්‍යවතුන් වහන්සේට පිළිතුරු දුන්හ. ඉක්බිති භාග්‍යවතුන් වහන්සේ හැඳ පොරවා පාත්‍රය හා සිවුරු ගෙන ආයුෂ්මත් ආනන්ද තෙරුන්ට පෙරටුව වේරඤජ බ්‍රාහ්මණයාගේ නිවසට වැඩිසේක. වැඩ පනවන ලද අස්නෙහි වැඩසිටිසේක.

36 ඉක්බිති වේරඤ්ඡ බ්‍රාහමණ තේම් භාග්‍යවතුන් වහන්සේ වැඳ එකත් පසෙක සිටියේය .එකත් පසෙක සිටි වේරඤ්ඡ බ්‍රාහ්මණයාට භාග්‍යවතුන් වහන්සේ ,බමුණ, ඔබ විසින් අපි ආරාධනා කරණ ලද්දෙමු. වස් වුසූමු. ඔබගෙන් අපි දනවු සැරිසැරීමට යාමට අවසර ගනිමු. අපි දනවු සැරිසැරීමට යාමට කැමැත්තෙමුයි, කීවාහ. ,භවත් ගෞතමයන් වහන්ස, ඇත්තය, ආරාධනය කෙළේ වෙමු. අපි වස් වසවන ලද්දෝ වෙමු. එතකුදුවුවත් යම් දිය යුතු දෙයක් ඇත්ද, එය නො දෙන ලදී. එයද නැතිව නො වේ. නොදෙනු කැමැත්තෙන්ද නොවේ. ගිහි ගෙයි වාසයෙන් බොහෝ වැඩ කටයුතු ඇත්තේය. ඊට කොයින් අවකාශ ලබම්ද? භවත් ගෞතමයන් වහන්සේ හෙට දවස පිණිස භික්‍ෂු සංඝයා සමග මාගේ දානය පිළිගනු මැනවයි, කීයේය. භා්‍යවතුන් වහන්සේ නිශ්ශබ්දව ඉවසූ සේක. ඉක්බිති භාග්‍යවතුන් වහන්සේ වේරඤ්ජ බ්‍රාහ්මණයා දැහැමි කථාවෙන් කරුණු සහිතව පෙන්වා සමාදන් කරවා තෙද ගන්වා සතුටු කරවා අස්නෙන් නැගිට වැඩිසේක.

37 ඉක්බිති වේරඤජ බ්‍රාහ්මණ තෙම ඒ රාත්‍රිය ඇවෑමෙන් සිය ගෘහයෙහි රසවත් කෑයුතු බුදිය යුතු දෙය පිළියෙල කරවා ,භවත් ගෞතමයන් වහන්ස, දානයට කල් පැමිණියේය. සූදානම් කර අවසානයයි, කීය. ඉක්බිති භාග්‍යවතුන් වහන්සේ පෙරවරු වේලෙහි හැඳ පොරවා පාත්‍ර සිවුරු ගෙන වේරඤජ බ්‍රාහ්මණයාගේ ගෘහය යම් තැනෙක්හිද, එහි පැමිණියේය. පැමිණ පනවන ලද අස්නෙහි භික්‍ෂු සංඝයා සමග හිඳගත් සේක. ඉක්බිති වේරඤ්ජ බ්‍රාහ්මණ තෙම බුදුන් ප්‍රධාන කොට ඇති භික්‍ෂූ සංඝයා රසවත් කෑ යුතු බුදිය යුතු දෙයින්ම සියතින්ම වළඳවා අවසන් කරවා වැළඳු පාත්‍රයෙන් ඉවතට ගත් අත් ඇති භාග්‍යවතුන් වහන්සේ තුන් සිවුරෙන් ඇන්දවු සේක. එක් එක් භික්‍ෂුව එක් එක් වස්ත්‍ර දෙකකින් ඇන්දවූයේය.

38 ඉක්බිති භාග්‍යවතුන් වහන්සේ වේරඤ්ජ බ්‍රාහ්මණයා දැහැමි කථාවෙන් උදාහරන සහිතව පෙන්වා සමාදන් කරවා උත්සාහවත් කරවා සතුටු කරවා අස්නෙන් නැගිට වැඩිසේක.ඉක්බිති භාග්‍යවතුන් වහන්සේ වේරඤජා නුවර කැමැතිතාක් කල් වාසය කොට සෝරෙය්‍ය, සංකස්ස, කාන්‍යකුබ්ජයන්ට පිළිවෙලින් පැමිණ ප්‍රයාග ප්‍රතිෂ්ඨාන නම් තොටුපලින් ගංගා නම් ගඟින් එගොඩ වී බරණැස් නුවර යම් තැනෙක්හිද එහි විසූ සේක. ඉක්බිති භාග්‍යවතුන් වහන්සේ බරණැස් නුවර කැමැතිතාක් වාසය කොට විශාලා මහනුවර යම් තැනෙක්හිද එහි වැඩිසේක. පිළිවෙලින් චාරිකාවෙහි හැසිරෙන්නේ විශාලා මහනුවර වාසය කළසේක.භාග්‍යවතුන් වහන්සේ එහි මහා වනයෙහි කූටාගාර ශාලාවෙහි වාසය කරනසේක.

වේරඤජ කොටස නිමි .

ප්‍රධාන වෙබි අඩවියට පිවිසෙන්න ලංකාට්‍රොනික්

සුදින්න බණවර

1 එකල්හි වනාහි විශාලා නුවරට සමීප තැන්හි කලන්ද නම් ගමක් වේ.එහි සිටු පුත්‍රයෙකු වූ සුදින්න නම් කලන්ද පුත්‍රයෙක් වෙයි. එකල්හි සුදින්න නම් කලන්ද පුත්‍ර තෙම බොහෝ යහළුවන් සමග විශාලා නුවරට යම්කිසි කරුණක් නිසා ගියේය. එකල්හි වනාහි භාග්‍යවතුන් වහන්සේ මහත් පිරිසක් විසින් පිරිවරන ලද්දේ දහම් දෙසමින් වැඩහුන්නේ වෙයි. සුදින්න කලන්ද පුත්‍ර තෙම මහත් පිරිසක් විසින් පිරිවරන ලදුව දහම් දෙසමින් වැඩහුන්නා වු භාග්‍යවතුන් වහන්සේ දුටුවේය. දැක,ඔහුට මේ සිත විය. .මමද බණ අසන්නෙම් නම් යහපතැයි. කියායි. ඉක්බිති සුදින්න නම් කලන්ද ප්‍රත්‍ර තෙම ඒ පිරිස යම් තැනෙක්හිද එහි පැමිණියේය. පැමිණ,එකත්පසෙක හුන්නේය.

2 එකත්පසෙක හුන් සුදින්න නම් කලන්ද පුත්‍රයාට .මම වනාහි භාග්‍යවතුන් වහන්සේ විසින් (2) යම් යම් පරිද්දෙකින් දේශනා කරන ලද ධර්‍මය දනිමි.ගිහි ගෙයි වසන්නහු විසින් සර්‍වසම්පූර්‍ණ වූ සම්පූර්‍ණයෙන් පිරිසිදු , ලියවන ලද සකක් සේ පිරිසිදු මේ බ්‍රහ්මචය්‍ර්‍යයෙහි හැසිරීමට පහසු නො වේ. (3) මම හිසකේ රවුල් ගා දමා කහට පෙවූ වස්ත්‍ර ඇඳ, ගිහිගෙන් නික්ම අනගාරික යයි කියන ලද ශාසනයෙහි පැවිදි වන්නෙම් නම් යෙහෙකැයි . කියායි. ඉක්බිති භාග්‍යවතුන් වහන්සේ විසින් ධාර්මික කථාවෙන් කරුණු ගෙනහැර දක්වන ලද සමාදන් කරවන ලද උත්සාහවත් කරන ලද සතුටු කරන ලද ඒ පිරිස හුන් තැනින් නැගිට භාග්‍යවතුන් වහන්සේ වටේ පැදකුණු කොට වැඳ ගියේය.

3 ඉක්බිති සුදින්න කලන්දක පුත්‍ර තෙමේ පිරිස නැගිට ගිය නොබෝ වේලාවකින් භාග්‍යවතුන් වහන්සේ යම් තැනෙක්හිද එහි පැමිණියේය. පැමිණ, භාග්‍යවතුන් වහන්සේ වැඳ එකත්පසෙක සිටියේය. එකත්පසෙක සිටි සුදින්න

කලන්දක පුත්‍ර තෙම භාග්‍යවතුන් වහන්සේට .ස්වාමීනි, මම (මෙහි2 (2) යොදන්න) ස්වාමීනී, මම හිසකේ රැවුල් ගා දමා කහට පෙවූ වස්ත්‍ර හැඳ ගිහිගෙන් නික්ම අනගාරිය ශාසනයෙහි පැවිදිවන්ට කැමැත්තෙමි. භාග්‍යවතුන් වහන්සේ මා පැවිදි කරවනසේක්වා.යි භාග්‍යවතුන් වහන්සේට සැළකෙළේය.

4 ,සුදින්නය, ඔබ වනාහි ගිහිගෙන් නික්ම අනගාරිය ශාසනයෙහි පැවිදි වීමට මව්පියන් වෙතින් අවසර ගත්තෙහිදැයි, ඇසූසේක. ,ස්වාමීනි, මම ගිහිගෙන් නික්ම අනගාරික ශාසනයෙහි පැවිදි වීම පිණිස අවසර නො ගත්තේ වෙමි,යි කීයේය. ,සුදින්නය, තථාගතවරයෝ මව්පියන් වෙතින් අවසර නොගත් පුත්‍රයෙකු පැවිදි නො කරති,. ,යම්සේ මට ගිහිගෙන් නික්ම අනගාරික ශාසනයෙහි පැවිදි වීම පිණිස අවසර දෙත්ද ස්වාමීනි, මම එසේ කරන්නෙමියි, කීවේය.

5 ඉක්බිති සුදින්න නම් කලන්දක පුත්‍ර තෙම විශාලාවෙහි ඒ කටයුත්ත අවසන් කොට කලන්දක ගම යම්තැනෙක්හිද මව්පියෝ යම්තැනෙක්හිද එහි පැමිණියේය. පැමිණ මව්පියන්ට (2 ), මෑණියනි, පියාණනි, ගිහිගෙන් නික්ම අනගාරික ශාසනයෙහි පැවිද්ද මට අනුදන්නාසේක්වා යි, කීයේය. මෙසේ කී කල්හි සුදින්න කලන්දක පුත්‍රගේ දෙමව්පියෝ සුදින්න කලන්දක පුත්‍රයාට (3) , දරුව සුදින්නය, ඔබ වනාහි අපට ප්‍රිය වූ සිත සතුටු කරන්නා වූ සුවසේ වැඩුනා වු සුවසේ පොෂ්‍ය කරන ලද අපගේ එකම පුත්‍රයා වෙහිය. දරුව සුදින්නය, ඔබ කිසි දුකක් නොදන්නෙහිය. අපි මරණයෙනුදු ඔබගෙන් නොකැමැත්තෙන් මෙන් වන්නෙමු. කිමෙක්ද? අපි ජීවත්ව සිටියදීම ඔබට ගිහිගෙන් නික්ම අනගාරික ශාසනයෙහි පැවිද්ද පිණිස කෙසේ අනුදන්නෙමුදැයි, කීවාහුය.

6 දෙවනුවත් සුදින්න කලන්දක පුත්‍ර තෙමේ මව්පියන්ට (මෙහි 5 (2) (3) යොදන්න ) තුන්වෙනුවත් සුදින්න කලන්දක පුත්‍රයාගේ මව්පියන්ට (මෙහි 5 (2) (3) යොදන්න )

7 ඉක්බිති සුදින්න කලන්දක පුත්‍ර තෙම .මව් පියෝ මට ගිහිගෙන් නික්ම අනගාරිය ශාසනයෙහි පැවිද්දට අවසර නොදෙත්යයි මෙහිම මගේ මරණය හෝ පැවිද්ද හෝ වේවායි. එහි කිසිවක් නො අතුරන ලද බිම වැදහොත්තේය. ඉක්බිති සුදින්න කලන්දක පුත්‍ර තෙම එක් වේලක් නොකා සිටියේය. දෙවේලක් නොකා සිටියේය. තුන් වේලක් නොකා සිටියේය. සතරවේලක් නොකා සිටියේය. පස්වේලක් නොකා සිටියේය. සය වේලක් නොකා සිටියේය. සත් වේලක් නොකා සිටියේය.

8 ,ඉක්බිති සුදින්න කලන්‍දක පුත්‍රගේ මව්පියෝ සුදින්න කලන්‍දක පුත්‍රට (2) (මෙහි 5 (3) යොදන්න ). .දරුව සුදින්න, නැගිටින්න කන්න, බොන්න, පිරිවරන්න, කන්නේ, බොන්නේ, පිරිවරන්නේ, කාම වස්තූන් පරිභොග කරන්නේ , පින් කරන්නේ, ගිහි ගෙහි ඇලෙව, අපි ගිහිගෙන් නික්ම අනගාරිය ශාසනයෙහි පැවිද්ද පිණිස අවසර නොදත්නෙමුයි. කීවාහුය . මෙසේ කී කල්හි සුදින්න කලන්‍දක පුත්‍ර තෙම නිශ්ශබ්ද විය.

9 දෙවනුවත් ( මෙහි 8 (2) යොදන්න ) තුන්වෙනුවත් සුදින්න කලන්‍දක පුත්‍රගේ මව්පයෝ (මෙහි 8 (2) යොදන්න) තුන්වෙනුවත් සුදින්න කලන්‍දක පුත්‍ර තෙමේ නිශ්ශබ්ද විය.

10 ඉක්බිති සුදින්න කලන්‍දක පුත්‍රගේ යහලුවෝ සුදින්න කලන්‍දක පුත්‍ර තෙම යම් තැනෙක්හිද එහි පැමිණියාහුය. පැමිණ , සුදින්න කලන්‍දක පුත්‍රට , ( මෙහි 8 (2) යොදන්න. ,දරුව, වෙනුවට ,යහලුව, යොදන්න.) දෙවනුවත් (මෙහි 10 මෙන් 8 (2) යොදන්න ) තුන්වෙනුවත් සුදින්න කලන්‍දක පුත්‍රගේ යහලුවෝ කලන්‍දක පුත්‍ර සුදින්නට ,යහලු සුදින්නය,ඔබ (මෙහි 10 මෙන් 8 (2) යොදන්න) තුන්වෙනුවත් සුදින්න කලන්‍දක පුත්‍ර තෙමේ නිශ්ශබ්ද විය.

11 ඉක්බිති සුදින්න කලන්‍දක පුත්‍රගේ යහලුවෝ සුදින්න කලත්‍දක පුත්‍රගේ මව්පියන් යම් තැනෙක්හිද එහි පැමිණියාහුය. පැමිණ සුදින්න කලත්‍දක පුත්‍රගේ මව්පියන්ට ,මෑණියනි,පියාණනි, මේ සුදින්න තෙමේ .මෙහිම මගේ මරණය හෝ පැවිද්ද හෝ වන්නේයයි. කිසිවක් නො අතුරන ලද භූමියෙහි වැදහොත්තේය. ඉදින් තෙපි ගිහිගෙන් නික්ම අනගාරිය ශාසනයෙහි පැවිද්දට සුදින්නට අවසර නො දෙන්නහු නම්, එහිම මරණය වන්නේය. ඉදින් තෙපි සුදින්නට ගිහිගෙන් නික්ම අනගාරිය ශාසනයෙහි පැවිද්දට අවසර දෙන්නහු නම් පැවිද්දේ සිටින ඔහු දකින්නාහුය. ඉදින් සුදින්න තෙමේ ගිහිගෙන් නික්ම අනගාරිය ශාසනයෙහි පැවිද්දෙහි නො ඇලෙන්නෙහි නම් ඔහුගේ ගතිය කවරක් වන්නේද? මෙහිම නැවත එන්නේය. සුදින්නට ගිහිගෙන් නික්ම අනගාරිය ශාසනයෙහි පැවිද්දට අවසර දෙව ,

12 .දරුවෙනි, සුදින්නට ගිහිගෙන් නික්ම අනගාරික ශාසනයෙහි පැවිද්දට අවසර දෙමු.. ඉක්බිති සුදින්න කලන්‍දක පුත්‍රගේ යහලුවෝ කලන්‍දක පුත්‍ර සුදින්න යම් තැනෙක්හිද එහි පැම්ිණියාහුය. පැමිණ කලන්‍දක පුත්‍ර සුදින්නට , යහලු සුදින්න,නැගිටින්න මව්පියන් විසින් ගිහිගෙන් නික්ම අනගාරිය ශාසනයෙහි පැවිද්දට අවසර දෙන ලද්දෙයයි, කීවාහුය.

13 ඉක්බිති කලන්‍දක පුත්‍ර සුදින්න තෙමේ .මව්පියන් විසින් ගිහිගෙන් නික්ම අනගාරිය ශාසනයෙහි පැවිද්දට අවසර දෙන ලද්දේලුයි. ප්‍රීති වූයේ ඔදවැඩි සිත් ඇත්තේ අතින් අවයව පිසිමින් නැගිට්ටේය.ඉක්බිති කලන්‍දක පුත්‍ර සුදින්න තෙමේ කීප දවසක් ශක්තිමත් වී, භාග්‍යවතුන් වහන්සේ යම් තැනෙක්හිද එහි පැමිණියේය. පැමිණ, භාග්‍යවතුන් වහන්සේ වැඳ එකත්පසෙක සිටියේය. එකත්පසෙක සිටි කලන්‍දක පුත්‍ර සුදින්න තෙමේ භාග්‍යවතුන් වහන්සේට, ,ස්වාමීනි, මම මව්පියන් විසින් ගිහිගෙන් නික්ම අනගාරිය ශාසනයෙහි පැවිද්දට අවසර ලද්දෙමි. භාග්‍යවතුන් වහන්සේ මා පැවිදි කරනසේක්වායි, කීයේය.කලන්‍දක පුත්‍ර සුදින්න තෙමේ භාග්‍යවතුන් වහන්සේ සමීපයෙහි පැවිද්ද ලැබුයේය. උපසම්පදාව ලැබුයේය. උපසම්පදා වී
වැඩිකල් නොගිය සුදින්න තෙමේ අරණ්‍යයෙහි වාසය කරන්නේ,පිණ්ඩපාතයෙන් යැපෙන්නේ, පාංසුකුල සිවුරු දරන්නේ, ගෙපිළිවෙලින් පිඩු පිණිස හැසිරෙන්නේ, මෙබඳු කෙලෙස් කම්පා කරණ ධුත ගුන සමාදන් වී සිටියි.වජ්ජි ගම ඇසුරු කොට වාසය කරයි.

14 ඒ කාලයෙහි වජ්ජි රට දුර්භික්‍ෂයක් ඇත්තේය. ජීවත් වේ දෝ නොවේ දෝයි සැක ඇති විය. ශෂ්‍ය සුදු බොල් ඇටින් යුක්තය. සීට්ටු ක්‍රමයෙන් දිවි පැවැත් වීය. උත්සාහයෙන් පිඩු සිගිමෙන් යැපෙන්නට පහසු නොවේ. ඉක්බිති ආයුෂ්මත් සුදින්නට , දැන් වනාහි වජ්ජි රට ජීවත් වේ දෝ නොවේ දෝයි සැක ඇති, සුදු බොල් ඇට ඇති, සීට්ටු ක්‍රමයෙන් ජීවත්වන දුර්භික්‍ෂය වෙයි, උත්සාහයෙන් පිඩු සිගිමෙන් යැපෙන්නට පහසු නොවේ, මාගේ පොහොසත් වු, මහත් වස්තු ඇති , මහත් භෝග ඇති බොහෝ රන්රුවන් ඇති, බොහෝ වස්තු උපකරණ ඇති, බොහෝ ධන ධාන්‍ය ඇති නෑයෝ බොහෝ වෙත් මම ඤාතීන් ඇසුරු කොට ජීවත් වන්නෙම් නම් යෙහෙක, නෑයෝ මා නිසා දන් දෙන්නාහුය, පින් කරත්, භික්‍ෂුහුද ලාභ ලබන්නාහුය, මමද පිඩුවලින් වෙහෙස නොවන්නෙමි යි, සිතුවේය.

15 ඉක්බිති ආයුෂ්මත් සුදින්න තෙමේ සෙනසුන අකුලා පාසිවුරු ගෙන විශාලා නුවර යම් තැනෙක්හිද එහි ගියේය. පිළිවෙලින් ගොස් විශාලා නුවර යම් තැනෙක්හිද එහි පැමිණියේය. ආයුෂ්මත් සුදින්න තෙමේ ඒ විශාලා නුවර මහා වනයෙහි වාසය කරයි. ආයුෂ්මත් සුදින්නගේ නෑයෝ, .කලන්‍ද පුත්‍ර සුදින්න තෙමේ විශාලා නුවරට ආයේයයි. ඇසුවාහුය. ඔව්හු ආයුෂ්මත් සුදින්නට සැටක් පමණ තැටිවල පිසූ දානයක් ගෙනාවාහුය. ඉක්බිති ආයුෂ්මත් සුදින්න තෙමේ ඒ සැටක් පමණ තැටි බත් භික්‍ෂුන්ට බෙදා දී පෙරවරු වේලෙහි හැඳ පොරවා පා සිවුරු ගෙන කලන්ද ගමට පිඩු පිණිස ඇතුල්වූයේය. කලන්ද ගමෙහි ගෙපිළිවෙලින් පිඩු පිණිස හැසිරෙන්නේ තමාගේ පියාගේ ගෙය යම් තැනෙක්හිද එහි පැමිණියේය.

16 ඒ වේලාවෙහි ආයුෂ්මත් සුදින්නගේ ඥාති දාසියක් පෙරදින සවස තැම්බූ පිට්ටුවක් විසිකරනු කැමැති වූවාය. ඉක්බිති ආයුෂ්මත් සුදින්න තෙමේ ඒ ඥති දාසියට, නැගණිය,විසිකරන ස්වභාව ඇති එය මාගේ පාත්‍රයෙහි මෙහි දමවයි, කීයේය. ඉක්බිති ආයුෂ්මත් සුදින්නගේ ඥාති දාසී ඒ පෙර දින සවස තැම්බූ පිට්ටුව ආයුෂ්මත් සුදින්නගේ පාත්‍රයෙහි බහන්නී ඔහුගේ අත්වලද පාවලද ශබ්දයේද ආකාරය ගත්තීය. ඉක්බිති ආයුෂ්මත් සුදින්නගේ ඥාති දාසී තොමෝ ආයුෂ්මත් සුදින්නගේ මව් යම් තැනෙක්හිද එහි පැමිණීයාය. පැමිණ, ආයුෂ්මත් සුදින්නගේ මවට ,ආය්‍ර්‍යාවෙණි,දන්නෙහිද ? ආය්‍ර්‍යයන් වහන්සේගේ පුත්‍ර වූ සුදින්න තෙමේ පැමිණියේයයි, කීවාය. , බොල, ඉදින් ඇත්තක් කියන්නෙහිද? තී දාස භාවයෙන් මුදවමියි , කීවාය.

17 ඒ වේලාවෙහි ආයුෂ්මත් සුදින්න තෙමේ ඊයේ සවස තැම්බූ ඒ පිට්ටුව එක්තරා බිත්ති අයිනක් ළග සිට අනුභව කරයි. ආයුෂ්මත් සුදින්නගේ පිය තෙමේද වැඩපලින් එන්නේ ආයුෂ්මත් සුදින්න ඊයේ රාත්‍රියේ පිසූ පිට්ටුව එක්තරා ගහක් යටට වී අනුභව කරනු දැක, ආයුෂ්මත් සුදින්න යම් තැනෙක්හිද එහි පැමිණියේය. පැමිණ, ආයුෂ්මත් සුදින්නට , දරුව සුදින්නය, ඊයේ සවස පිසූ පිට්ටුවක් අනුභව කරන්නෙහිද? දරුව සුදින්නය, ගෙට යායුතු නොවේද?, , ගෘහපතිය, තොපගේ ගෙට ගියෙමි. මේ ඊයේ රෑ පිසූ පිට්ටුව (එතැනින්) ලැබුනේයයි , කීවේය.

18 ඉක්බිති ආයුෂ්මත් සුදින්නගේ පිය තෙමේ ආයුෂ්මත් සුදින්නගේ අතින් අල්වාගෙන ආයුෂ්මත් සුදින්නට . දරුව සුදින්නය,එන්න ගෙට යන්නෙමුයි. කීයේය . ඉක්බිති ආයුෂ්මත් සුදින්න තෙමේ තම පියාගේ ගෙය යම් තැනෙක්හිද එහි පැමිණියේය. පැමිණ, පණවන ලද අස්නෙහි වැඩහුන්නේය, ඉක්බිති ආයුෂ්මත් සුදින්නගේ පිය තෙමේ ආයුෂ්මත් සුදින්නට ,දරුව, යහපත්ව දෙන ලදී අනුභව කරවයි, කීයේය. , ගෘහපතිය, වුවමනා නැත, මා විසින් අද ආහාර අනුභව කෙළෙමියි, කීයේය. , දරුව,සුදින්න හෙට දවසට ආහාර ඉවසනු මැනවයි , කීයේය. ආයුෂ්මත් සුදින්න තෙමේ නිශ්ශබ්දව පිළිගත්තේය.

19 ඉක්බිති ආයුෂ්මත් සුදින්න තෙමේ අස්නෙන් නැගිට වැඩියේය. ඉක්බිති ආයුෂ්මත් සුදින්නගේ මව් තොමෝ ඒ රාත්‍රියගේ ඇවෑමෙන් අලුත් ගොමින් බිම පිරිබඩ ගන්වා ගොඩවල් දෙකක් කරවූවාය. එකක් අමු රන්ද අනික රන්ද විය. ගොඩවල් කොපමණ මහත්වුයේද යත්, එහා පැත්තේ සිටි පුරුෂයාට මෙහා පැත්තේ සිටි පුරුෂයා නොදකියි. ඔව්හු ගොඩවල් පැදුරුවලින් වස්වා මැද අස්නක් පණවා ආවරණයක් කරවා ආයුෂ්මත් සුදින්නගේ පෙර බිරිඳ කැඳවූයේය. ,පුත්‍රිය, එසේ නම් ඔබ යම් අලංකාරයකින් සරසන ලද්දාවූ සුදින්න නම් මාගේ පුත්‍රයාව ප්‍රියමනාප වූවාද ඒ අලංකාරයකින් සැරසෙන්නැයි, කීවාය.,ආය්‍ර්‍යාවෙනි, එසේයයි, ආයුෂ්මත් සුදින්නගේ පෙර බිරිඳ ආයුෂ්මත් සුදින්නගේ මවට පිළිතුරු දුන්නීය.

20 ඉක්බිති ආයුෂ්මත් සුදින්න තෙමේ පෙරවරු වේලෙහි හැඳ පොරවා පාත්‍ර සිවුරු ගෙන සිය පියාගේ ගෙය යම් තැනෙක්හිද එහි පැමිණියේය. පැමිණ, පණවන ලද අස්නෙහි වැඩහුන්නේය. ඉක්බිති ආයුෂ්මත් සුදින්නගේ පිය තෙමේ ආයුෂ්මත් සුදින්න තෙමේ යම් තැකේහිද එහි පැමිණියේය. පැමිණ, ඒ ගොඩවල් විවෘත කරවා ආයුෂ්මත් සුදින්නට (2) ,දරුව සුදින්නය, මේ තොපගේ මවු පසට අයත් ස්ත්‍රියකට අයත් වන ස්ත්‍රිධනයකි. අනික පියාගෙන් ආ දෙයකි. අනික්වා මුත්තණුවන්ගෙන් ආ දේය. දරුව සුදින්න, ගිහි වී වස්තුවද පරිභෝග කරන්නට. පින් ද කරන්නට හැකිය. දරුව සුදින්නය, ඔබ මෙහි එන්න, ගිහි වී වස්තුවද පරිභෝග කරව, පිනුත් කරවයයි, කීයේය. ,පියාණෙනි, (3) උත්සාහ නො කරමි. සමත්‍ර්‍ථ නො වෙමි. මම ඇලුනේ බ්‍රහ්මචය්‍ර්‍යයෙහි හැසිරෙමියි , කීයේය.

21 දෙවෙනුවත් ආයුෂ්මත් සුදින්නගේ පියා ආයුෂ්මත් සුදින්නට ( මෙහි 20 (2) යොදන්න ) තුන්වෙනුවත් ආයුෂ්මත් සුදින්නගේ පියා ආයුෂ්මත් සුදින්නට ( 20 (2) යොදන්න ) ,ගෘහපතිය, ඉදින් ඔබ නො ඉක්මවන්නෙහි නම් ඔබට කියන්නේ , , දරුව සුදින්නය, කියව , ,ගෘහපතිය, එසේ නම් ඔබ මහත් මහත් හණ මලු කරවා රන්රුවනින් පුරා ගංගා නම් ගග මැද්දෙහි සැඩපාරෙහි දමව, ඊට හේතු කවරේද? ගෘහපතිය, ඒ හේතුවෙන් තොපට භයක් හෝ තැතිගැන්මක් හෝ ලොමු දැහැගැනීමක් හෝ ආරක්‍ෂාවක් හෝ යම්හෙයකින් වන්නේද, එය තොපට නො වන්නේය. ,

22 මෙසේ කී කල්හි ආයුෂ්මත් සුදින්නගේ පිය තෙමේ නො සතුටු වූයේය. පුත්‍ර වූ සුදින්න තෙමේ කෙසේ නම් මෙසේ කියයිද? ඉක්බිති ආයුෂ්මත් සුදින්නගේ පිය තෙමේ ආයුෂ්මත් සුදින්නගේ පෙර බිරිඳට කථා කළේය. ,සත්‍රිය, එසේ නම් ඔබත් යාඥා කරව.පුත්‍ර වූ සුදින්න තෙමේ තොපගේ වචනයද කරන්නෙ නම් යෙහෙක., ,ඉක්බිති ආයුෂ්මත් සුදින්නගේ පුරාන භාය්‍ර්‍යා තොමෝ ආයුෂ්මත් සුදින්නගේ දෙපා අල්වාගෙන ආයුෂ්මත් සුදින්නට ,ආය්‍ර්‍ය පුත්‍රය, දිව්‍යාඞ්ගනාවන් කෙබඳුද ? යම් කෙනෙකු නිසා ඔබ බ්‍රහ්මචය්‍ර්‍යාවෙහි හැසිරෙන්නෙහිදැයි , ඇසීිය. , නැඟනිය, මම දිව්‍යාඞ්ගනාවන් බලාපොරොත්තුවෙන් බ්‍රහ්ම චය්‍ර්‍යාවෙහි නොහැසිරෙමි,.

23 ඉක්බිති ආයුෂ්මත් සුදින්නගේ පෙර බිරිඳ අද සිට මට සුදින්න ආය්‍ර්‍ය පුත්‍ර තෙමේ නැගනි කථාවෙන් කථා කෙරේයයි එහිම සිහි නැතිව වැටුනාය. ඉක්බිති ආයුෂ්මත් සුදින්න තෙමේ පියාට , ගෘහපතිය, ඉදින් කෑයුතු දෙයක් ඇත්නම් දෙව. නො වෙහෙසවයි, කීවේය. ,දරුව සුදින්නය, අනුභව කරවයි , කීයේය. ඉක්බිති ආයුෂ්මත් සුදින්නගේ මව් ද පියා ද ආයුෂ්මත් සුදින්න ප්‍රණීතවූ කෑයුතු දෙයින් බුදිය යුතු දෙයින් සියතින් සැනහුවාහුය, පැවරුවාහුය.

24 ඉක්බිති ආයුෂ්මත් සුදින්නගේ මව් තොමෝ වැළඳු පාත්‍රයෙන් මෑත් කළ අත ඇති ආයුෂ්මත් සුදින්නට (2) ,දරුව සුදින්නය, මේ කුලය පොහොසත්ය. මහත් ධන ඇත්තේය. මහත් වස්තු ඇත්තේය. බොහෝ රන් රුවන් මසු කහවණූ ඇත්තේය. බොහෝ වස්තු උපකරන ඇත්තේය. බොහෝ ධන ධාන්‍ය ඇත්තේය. දරුව සුදින්නය, ගිහි වී වස්තු පරිභෝග කරන්නටද පින් කරන්නටද ලබන්නේය. දරුව සුදින්නය, එන්න ගිහි වී වස්තු පරිභෝග කරව. පින්ද කරවයි, කීවාය. (3),මෑණියනි, (මෙහි 20 (3) යොදන්න ) දෙවනුවත්, ( මෙහි 20 (2) ( 3) යොදන්න ) තුන්වෙනුවත් ආයුෂ්මත් සුදින්නගේ මව් තොමෝ ආයුෂ්මත් සුදින්නට ( මෙහි 20 (2) (3) යොදන්න ) (4) ,දරුව සුදින්නය, එසේ වී නම් බීජයක්වත් දෙව. දරුවන් නැති වස්තුව ලිචඡවීහු ඇද නො ගණිත්වායි, (5) කීවාය. , මෑණියනි, මෙය කරන්ට හැකියයි , කීවේය. ,දරුව සුදින්නය, දැන් කොහි වාසය කරන්නෙහිද?, , මෑණියනි, මහා වනයෙහිය,. ඉක්බිති ආයෂ්මත් සුදින්න තෙමේ අස්නෙන් නැගිට ගියේය.

25 ඉක්බිති ආයුෂ්මත් සුදින්නගේ මව් තොමෝ ආයුෂ්මත් සුදින්නගේ පෙර බිරිඳට කථා කළාය. , එසේ නම් සත්‍රිය යම් දවසක සෘතු වූවාද තට ඔසප් උපන්නේද ඉක්බිති මට කියව., ,ආය්‍ර්‍යාවෙනි, එසේයයි, ආයුෂ්මත් සුදින්නගේ පෙර බිරිඳ ආයුෂ්මත් සුදින්නගේ මව්ට පිළිතුරු දුන්නීය. ඉක්බිති ආයුෂ්මත් සුදින්නගේ පෙර බිරිඳ නොබෝ කලකින්ම සෘතු වූවාය. ඈට ඔසප් උපන්නේය. ඉක්බිති ආයුෂ්මත් සුදින්නගේ පෙර බිරිඳ ආයුෂ්මත් සුදින්නගේ මවට ,ආය්‍ර්‍යාවෙනි, සෘතු වූවෙමි. මට ඔසප් උපන්නේය, ,සත්‍රිය, එසේ නම් අලංකාරයකින් අලංකාර වූයේ පුත්‍ර සුදින්නට ප්‍රියද සතුටුද වූයේද ඒ අලංකාරයෙන් අලංකාර වේවයි , කීවාය. ,ආය්‍ර්‍යාවෙනි, එසේයයි ,ආයුෂ්මත් සුදින්නගේ පෙර බිරිඳ ආයුෂ්මත් සුදින්නගේ මවට ප්‍රති වචන දුන්නීය. ඉක්බිති ආයුෂ්මත් සුදින්නගේ මව් තොමෝ ආයුෂ්මත් සුදින්නගේ පෙර බිරිඳ ගෙන මහා වනය යම් තැනෙක්හිද අයුෂ්මත් සුදින්න තෙමේ යම් තැනෙක්හිද එහි පැමිණියාය. පැමිණ, ආයුෂ්මත් සුදින්නට මෙසේ කීවාය.

26 දරුව සුදින්නය, මේ කුලය (මෙහි 24 (2) හා (3) (4 ) ) දෙවනුවත් ( මෙහි 24 (2) හා (3) (4) ) තුන්වෙනුවත් ආයුෂ්මත් සුදින්නගේ මව් තොමෝ ආයුෂ්මත් සුදින්නට ( මෙහි 23 (2) ( 3 )(4 ) එසේ නම් එය කළ හැකියයි පෙර බිරිඳ අතින් ගෙන මහා වනයට වැද ශික්‍ෂාපද නො පැනවීම නිසා දොස් නො දක්නේ පෙර බිරිඳ සමග තුන් වරක් මෛථුන ධර්‍මයෙහි හැසුරුනේය. ඕ තොමෝ ඒ කරණ කොට ගැබ් ගත්තීය. භූමි නිශ්‍රිත දේවතාවෝ (2) .ඒකාන්තයෙන් භික්‍ෂු සංඝ තෙමේ පිළිකා නැතිව සිටියේය. දොස් නැත්තේය.කලන්දපුත්‍ර සුදින්න විසින් පිළිකාවක් උපදවන ලදී.දොෂයක් උපදවන ලද්දීයයි. ශබ්ද පැවැත්වූවාහුය. (3) බිම ඇසුරු කළ දෙවියන්ගේ ශබ්දය අසා චාතුර්මහාරාජික දෙවියෝ ශබ්ද පැවැත්වුවාහුය. තාවතිංස,යාම, තුසිත, නිර්මානරතී, පරනිර්මිත, වසවර්ති , බ්‍රහ්ම කොටසට අයත් දෙවියෝ ( මෙහි 2 ) මෙසේ ඒ මොහොතෙහි, ඒ ක්‍ෂණයෙහි බ්‍රහ්ම ලෝකය දක්වා ශබ්දය උඩට පැන නැංගේය.

27 ඉක්බිති ආයුෂ්මත් සුදින්නගේ පෙර බිරිඳ ඇගේ ගර්‍භය මේරුණ බවට පැමිණ පුතකු වැදුවාය. ඉක්බිති ආයුෂ්මත් සුදින්නගේ යහලුවෝ,ඒ දරුවාට .බීජක. යයි නමක් තැබුවාහුය. ආයුෂ්මත් සුදින්නගේ පෙර බිරිඳට බීජක මව් යයි නමක් කළාහුය. ආයුෂ්මත් සුදින්නට බීජක පියා යයි නමක් කළාහුය. ඒ දෙදෙන මෑත කාලයෙහි ගිහිගෙයින් නික්ම ශාසනයෙහි පැවිදිව රහත් බව ප්‍රත්‍යක්‍ෂ කළාහුය. ඉක්බිති ආයුෂ්මත් සුදින්න (2) , මට ඒකාන්තයෙන් අලාභයෙක. මට ඒකාන්තයෙන් ලාභයක් නොවේ.මා ඒකාන්තයෙන් නපුරට ලබන ලදී.යහපතට ලබන ලද්දේ නොවේ. යම් බඳු වූ මම මෙබඳුවූ යහපත්ව ප්‍රකාශ කරන ලද ධර්‍ම විනයෙහි පැවිදිව දිවි ඇතිතාක් සම්පූර්‍ණවූ පිරිසිදු වූ බ්‍රහ්මචය්‍ර්‍යාවෙහි හැසිරෙන්නට නොහැකි විය. (3) හෙතෙම ඒ සැකයෙන් ඒ පසුතැවිල්ලෙන් කෙට්ටු විය. කර්‍කශ වූයේ දුර්‍වර්‍ණවූයේ පඩුවන් පැහ ඇතිවූයේ නහර මතු වූ අවයව ඇත්තේ ඇතුලතට යොමු වූ සිත් ඇත්තේ සැගවුණු සිත් ඇත්තේ දුක් වූයේ අයහපත් සිත් ඇත්තේ විපිළිසර වූයේ දැවුණේය.

28 ඉක්බිති ආයුෂ්මත් සුදින්නගේ යහලු භික්‍ෂූහු ආයුෂ්මත් සුදින්නට ,ඇවැත්නි සුදින්නය, ඔබ පෙර නම් පැහැයෙන් යුක්ත විය. පිනාගිය ඉන්‍ද්‍රියයන් ඇතිවූ වෙහිය, පැහැදුණ මුහුනේ පාටක් ඇත්තෙකි, අතිශයින් පෑදුන පාට සිවියක් ඇත්තෙහිය, ඔබ දැන් මේ කාලයෙහි කෘශය, රලුය,දුර්‍වර්‍ණය, පඩුවන්ය, නහර මතු වූ අවයව ඇත්තෙහිය,ඇතුලතට යොමු වූ සිත් ඇත්තේ සැගවුණු සිත් ඇත්තේ දුක් වූයේ අයහපත් සිත් ඇත්තේ විපිළිසර වූයේ දැවෙන්නෙහිය. ඇවැත්නි සුදින්නය, කිමෙක්ද? ඔබ කලකිරී බ්‍රහ්මචය්‍ර්‍යාවෙහි හැසිරෙන්නෙහිද?,

29 ,ඇවැත්නි, මම නොඇලී බ්‍රහ්මචය්‍ර්‍යයෙහි නො හැසිරෙමි. මා විසින් පාප කර්‍මයක් කරණලදී. පෙර බිරිඳ හා මෛථුන ධර්‍මයෙහි හැසුරුනෙමි. ඇවැත්නි, ඒ මට සැකයක් පිණිස විය. විපිළිසරයක් විය., ( මෙහි 27 (2 ) යොදන්න )

30 , ඇවැත්නි සුදින්නය,තොපට සැක කිරීමෙන් කම් නැත. පසුතැවීමෙන් කම් නැත. යම් බදු වූ තෝ මෙසේ මනා කොට වදාරණ ලද ධර්‍මවිනයෙහි පැවිදිව දිවි ඇතිතාක් සම්පූර්‍ණ වූ පිරිසිදු වූ බ්‍රහ්මචය්‍ර්‍යයෙහි හැසිරෙන්නට නො හැකිවෙහිය.ඇවැත්නි, භාග්‍යවතුන් වහන්සේ විසින් නොයෙක් ක්‍රමයෙන් (2 ) නො ඇලීම පිණිස ධර්‍ම දේශනා කරන ලදී.ඇලීම පිණිස ධර්‍ම දේශනා නො කරන ලදී. වෙන්වීම පිණිස ධර්‍ම දේශනා කරන ලදී. එක්වීම පිණිස ධර්‍ම දේශනා නො කරන ලදී.දැඩි කොට නොගැනීම පිණිස ධර්‍ම දෙශනා කරණ ලදී. ගැනීම පණිස ධර්‍ම දේශනා නො කරණ ලදී. ඇවැත්නි, කෙසේනම් නුඔ භාග්‍යවතුන් වහන්සේ විසින් නොඇලීම පිණිස බණ වදාරද්දී ඇලීම පිණිස වෑයම් කරන්නෙහිද?වෙන්වීම පිණිස බණ වදාරද්දී එක්වීම පිණිස වෑයම් කරන්නෙහිද? දැඩි සේ නොගැනීම පිණිස බණ වදාරද්දී දැඩි සේ ගැනීම පිණිස වෑයම් කරන්නෙහිද? ඇවැත්නි, භග්‍යවතුන් වහන්සේ විසින් නොයෙක් ආකාරයෙන් රාගය තුනී කිරීම පිණිස ධර්‍ම දේශනා කළේ නොවේද? මත් වීම නැති කිරීම පිණිස, පිපාසා දුරු කිරීම පිණිස, ආශාව නැසීම පිණිස, සසර කැඩීම පිණිස, තෘෂ්ණාව නැතිකිරීම පිණිස, නො ඇලීම පිණිස, නැති වීම පිණිස, නිවන පිණිස ධර්‍මය දේශනා කළේ නොවේද? (3) ඇවැත්නි, භග්‍යවතුන් වහන්සේ විසින් නොයෙක් ආකාරයෙන් (4) කාමයන්ගේ පහ කිරීම වදාරන ලද්දේ නොවේද? කාම හැගීම්වල විශිෂ්ට ඥානය කියන ලද්දේ, කාම පිපාසාවල සංසිඳීම කියන ලද්දේ, කාම සිතිවිලිවල මුලින් නැසීම කියන ලද්දේ නොවේද? කාම දැවීම්වල සංසිඳීම කියන ලද්දේ නො වේද? (5) ඇවැත්නි, මෙය නො පැහැදුනවුන්ගේ පැහැදීම පිණිස පැහැදුනවුන්ගේ විශේෂ පැහැදීම පිණිස නොවේ. ඇවැත්නි, නැවතද මෙය නො පැහැදුනවුන්ගේ නො පැහැදීම පිණිස පැහැදුන ඇතෙමෙකුගේ වෙනස්වීම පිණිස වන්නේය. ,

31 ඉක්බිති ඒ භික්‍ෂූහු ආයුෂ්මත් සුදින්නට නොයෙක් ආකාරයෙන් නින්දා කොට භාග්‍යවතුන් වහන්සේට මේ කාරණය සැළකළාහුය. ඉක්බිති භාග්‍යවතුන් වහන්සේ මේ කාරණයෙහි මේ සිද්ධියෙහි භික්‍ෂු සංඝයා රැස්කරවා ආයුෂ්මත් සුදින්නගෙන් , සුදින්නය, ඔබ පෙර බිරිඳ සමග මෛථුන ධර්‍මයෙහි හැසුරුනේ ඇත්තදැයි ඇසීය. .භාග්‍යවතුන් වහන්ස, ඇත්තය . බුද්ධවූ භාග්‍යවතුන් වහන්සේ ගර්‍හා කළසේක. (2) , හිස් පුරුෂය,නොසුදුසු වූ නො ගැලපෙන, ශ්‍රමණයන්ට නො ගැලපෙන අකැප නො කටයුත්තක් කෙළෙහිද. හිස් පුරුෂය, කෙසේ නම් ඔබ මෙබදු මනා කොට දේශනා කරන ලද ධර්‍ම විනයෙහි පැවිදිවී දිවි ඇතිතාක් කල් සම්පූර්‍ණ වූ පිරිසිදු වූ බ්‍රහ්මචය්‍ර්‍යයෙහි හැසිරෙන්නට නොහැක්කේද? (3) හිස් පුරුෂය, මා විසින් නොයෙක් ආකාරයෙන් නො ඇලීමට ධර්‍ම දේශනා කරන ලද්දේ නොවේද? රාග සහිත නොවීමට, වෙන් වීමට, එක් නොවීමට ධර්‍ම දේශනා කරන ලද්දේ නොවේද? බැමි ලිහන්ට දැඩි කොට නො ගැන්මට ධර්‍ම දේශනා කරන ලදදේ නො වේද? දැඩි කොට නො ගැන්මට දේශනා කරන ලද්දේ නොවේද? හිස් පුරුෂය, ඔබ කෙසේ නම් මා විසින් නො ඇලීම පිණිස ධර්‍මය දේශනා කළ කල්හි රාග සහිත බව පිණිස සිතන්නෙහිද? වෙන්වීම පිණිස ධර්‍මය දේශනා කළ කල්හි එක් වීම පිණිස සිතන්නෙහිද? දැඩි සේ නො ගැනීම පිණිස ධර්‍ම දේශනා කළ කල්හි ගැනීම පිණිස සිතන්නෙහිද? හිස් පුරුෂය, මා විසින් (3) ( මෙහි 30 ඡෙදයේ (2) යොදන්න. ) හිස් පුරුෂය, මා විසින් නොයෙක් ආකාරයෙන් ( මෙහි 30 ඡෙදයේ ( 4 ) යොදන්න. (4) හිස් පුරුෂය, තා විසින් දරුණු විෂ ඇති සර්‍පයෙකුගේ් කටෙහි පුරුෂ ලිඞ්ගය දමන ලද්දේ නම් යහපත. සත්‍රියගේ සත්‍රී නිමිත්තෙහි පුරුෂ ලිඞ්ගය නො දමන ලද්දේ නම් යහපත. හිස් පුරුෂය, තා විසින් කලු සර්‍පයෙකුගේ කටෙහි පුරුෂ ලිඞ්ගය දමන ලද්දේ නම් යහපත. සත්‍රියගේ සත්‍රී නිමිත්තෙහි පුරුෂ ලිඞ්ගය නො දමන ලද්දෙ නම් යහපත.

, හිස් පුරුෂය, තා විසින් ගිනි ගත් දැල් වෙන ගිනි සිලු ඇති අගුරු වලෙක්හි පුරුෂ ලිඞගය දමන ලද්දේ නම් යහපත. සත්‍රියකගේ සත්‍රී නිමිත්තෙහි පුරුෂ ලිඞගය නො දමන ලද්දේ නම් යහපත. ඊට හේතු කවරේ්ද? හිස් පුරුෂය, ( මුලින් කී කරුණෙන් ) ඒ හේතුවෙන් මරණයට හෝ පැමිණෙන්නේය. මරණය හා සමාන දුකකට පැමිනෙන්නේය. ඒ හේතු කොට ගෙන ශරීරයාගේ බිඳමෙන් මරණින් මතු සැප නැති, නපුරු ගති ඇති , නපුරු වැටීම් ඇති නරකයෙහි නූපදින්නේය. හිස් පුරුෂය (දෙවනු කීකරුනෙන්) මේ හේතු කොට ගෙන ශරීරයාගේ බිඳීමෙන් මරණින් මතු සැප නැති නපුරු ගති ඇති , නපුරු වැටීම් ඇති නරකයෙහි උපදින්නෙය. (5)

,හිස් පුරුෂය, යම්බදු වූ ඔබ සත්පුරුෂ ධර්‍මයක් නො වූ ග්‍රම්‍ය ස්වභාවයක් වූ, නීච ස්වභාවයක් වූ නපුර ඇසුරු කළ දෙයක් වූ පහත් ස්වභායක්වූ රහසිගත වූ දෙදෙනෙක් අතර ඇති සමවැදීමකට පැමිණියෙහිද, හිස් පුරුෂය, නුඔ බොහෝ අකුශල ධර්‍මයන්ට ආදිකර්‍තෘය. පෙරටුව යන්නාය. හිස් පුරුෂය, මෙය නො පැහැදුනවුන්ගේ පැහැදීම පිණිස පැහැදුනවුන්ගේ වැඩිවීම පිණිස නො වේ. හිස් පුරුෂය, නැවත මෙය නො පැහැදුනවුන්ගේ නො පැහැදීම පිණිස පැහැදුනාවූ සමහරුන්ගේ වෙනස් බව පිණිස වේ. , ඉක්බිති භාග්‍යවතුන් වහන්සේ ආයුෂ්මත් සුදින්නට නොයෙක් ආකාරයෙන් නිග්‍රහ කොට සැහැල්ලු නොවූ පැවැත්මෙහි, සැහැල්ලු නොවූ ජීවිකාවෙහි, මහා ආශා ඇති බැව්හි, ලද දෙයින් සතුටු නොවන බැව්හි, පිරිසෙහි ඇලුණ බැව්හි, කුසීත බැව්හි, නුගුණ කියා නොයෙක් ආකාරයෙන් සැහැල්ලු පැවැත්මෙහි සැහැල්ලු ජීවිකාවෙහි අලෝභ බැව්හි ලද දෙයින් සෑහෙන බැව්හි කෙළෙස් තවන බැව්හි කෙළෙස්කම්පා කිරීමෙහි සතුටු ගෙන දෙන බැව්හි කෙළෙස් සිඳින බිඳින බැව්හි වීය්‍ර්‍යයෙහි ගුණ කියා භික්‍ෂූන්ට ඊට ගැලපෙන දැහැමි කථාව කොට භික්‍ෂූන් ආමන්ත්‍රණය කළ සේක.

32 ,මහණෙනි, එසේ නම් භික්‍ෂූන්ට ප්‍රයෝජන දහයක් නිසා ශික්‍ෂාපද පණවන්නෙමි. සංඝයාගේ යහපත් භාවය පිණිස, සංඝයාගේ පහසුව පිණිස, හික්ම වීමට අපහසු පුද්ගලයන්ට දඩුවම් පිණිස, ශීලාචාර භික්‍ෂූන්ගේ පහසුව පිණිස, මෙලොව කෙළෙස් සංවරය පිණිස, පරලොව විපාක දෙන කෙළෙස්නැසීම පිණිස, නො පැහැදුනවුන්ගේ පැහැදීම පිණිස, පැහැදුනවුන්ගේ වැඩි පැහැදී පිණීස, සද්ධර්‍මයාගේ පැවැත්ම පිණිස විනයට උපකාර පිණිස ද යන දසය ගැනයි. මහණෙනි, මේ ශික්‍ෂාපදය මෙසේ කියවන්නෙය. (3) ( කෙසේද ) , යම්කිසි භික්‍ෂුවක් මෛථුන ධර්‍මයෙහි යෙදෙන්නේද (ඔහු) සස්නෙන් පැරදුනේ වේ. ආශ්‍රයට නො සුදුස්සෙක් වෙයි,. භාග්‍යවතුන් වහන්සේ විසින් මෙසේ මේ ශික්‍ෂාපදය පණවන ලද්දේ වේ

ප්‍රධාන වෙබි අඩවියට පිවිසෙන්න ලංකාට්‍රොනික්